მიმდინარე წლის 15 მაისიდან 19 მაისის ჩათვლით, ევროკავშირის მიერ მხარდაჭერილი პროექტის - ,,სამოსამართლო სწავლების ხელშეწყობა ტვინინგის პროექტის მეშვეობით“ ფარგლებში, იუსტიციის უმაღლესი სკოლის ანალიტიკური და საერთაშორისო ურთიერთობის სექტორის მთავარი კონსულტანტი - ანა მღებრიშვილი და იუსტიციის უმაღლესი სკოლის მასწავლებელთა საბჭოს წევრები, თბილისის სააპელაციო სასამართლოს მოსამართლეები - თამარ ალანია და გიორგი ტყავაძე, სასწავლო ვიზიტით იმყოფებოდნენ ლატვიის რესპუბლიკაში, ქ. რიგაში.
სასწავლო ვიზიტის მიზანს წარმოადგენდა მოსამართლეთა და სასამართლოს სხვა მოხელეთა გადამზადების პროგრამის შემუშავებისა და განხორციელების ლატვიური მოდელის გაცნობა და გამოცდილების გაზიარება.
ვიზიტის ფარგლებში იუსტიციის უმაღლესი სკოლის დელეგაციამ შეხვედრები გამართა ლატვიის რესპუბლიკის სამოსამართლო სწავლების ცენტრისა და იუსტიციის სამინისტროს სხვადასხვა სტრუქტურული ერთეულის წარმომადგენლებთან. ასევე, დელეგაცია ეწვია ლატვიის უზენაეს სასამართლოს, სადაც შედგა შეხვედრა უზენაესი სასამართლოს მოსამართლეებთან.
პროექტი დაფინანსებულია ევროკავშირის მიერ და მისი ხანგრძლივობაა 18 თვე.