25-26 ნოემბერს, იუსტიციის უმაღლეს სკოლაში, შრომის საერთაშორისო ორგანიზაციასთან (ILO) თანამშრომლობის ფარგლებში მოსამართლეთათვის ჩატარდა სემინარი თემაზე: „საერთაშორისო შრომითი სტანდარტები და საქართველოს შრომის კოდექსი“.
სემინარს უძღვებოდნენ: საქართველოს უზენაესი სასამართლოს მოსამართლე ნინო ბაქაქური; თბილისის სააპელაციო სასამართლოს მოსამართლე ქეთევან მესხიშვილი; შრომის საერთაშორისო ორგანიზაციის ადგილობრივი ექსპერტი ზაქარია შველიძე და შრომის საერთაშორისო ორგანიზაციის, სუბ-რეგიონული საერთაშორისო შრომის სტანდარტების განყოფილების უფროსი სპეციალისტი ლეო სიბელი.
ღონისძიებაში მონაწილეობა მიიღო 17-მა მოსამართლემ: თბილისის სააპელაციო, თბილისის, ქუთაისისა და რუსთავის საქალაქო, ზესტაფონის, ხაშურის, ახალქალაქის, ახალციხის, ბოლნისის, გურჯაანისა და თელავის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.