25-26 ნოემბერს, იუსტიციის უმაღლესი სკოლისა და გაეროს ადამიანის უფლებათა უმაღლესი კომისრის ოფისის (OHCHR) მხარდაჭერით, თბილისში, სასამართლოს მოხელეთათვის გაიმართა ტრენინგი თემაზე: „ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის აკრძალვა.“
სემინარს უძღვებოდნენ ის მოსამართლე-ტრენერი რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ თბილისის სააპელაციო სასამართლოს მოსამართლეები: თამარ ალანია და კახაბერ მაჭავარიანი. ღონისძიებას ასევე ესწრებოდა გაეროს ადამიანის უფლებათა უმაღლესი კომისრის ოფისის წარმომადგენელი ბესარიონ ბოხაშვილი, რომელიც მოსამართლე ექსპერტებთან ერთად მონაწილეობდა კურიკულუმის შემუშავების პროცესში. აღსანიშნავია, რომ ზემოაღნიშნულ თემაზე კურიკულუმის შემუშავის პროცესი გაეროს ადამიანის უფლებათა დაცვის უმაღლესი კომისრის ოფისის (OHCHR) მიერ იყო მხარდაჭერილი.
ღონისძიებაში მონაწილეობა მიიღო 14-მა სასამართლოს მოხელემ: საქართველოს უზენაესი სასამართლოს, თბილისის სააპელაციო, თბილისის საქალაქო, ზუგდიდისა და ზესტაფონის რაიონული სასამართლოებიდან.
