1-2 დეკემბერს, იუსტიციის უმაღლესმა სკოლამ ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“ ფარგლებში ყვარელში, სასტურმო „ყვარლის ედემში“, მოსამართლეთათვის გამართა სემინარი თემაზე: „ადამიანით ვაჭრობა (ტრეფიკინგი)“.
სემინარს უძღვებოდნენ ის მოსამართლე-ტრენერი რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ საქართველოს უზენაესი სასამართლოს მოსამართლე გიორგი შავლიაშვილი და თბილისის სააპელაციო სასამართლოს მოსამართლე გიორგი მიროტაძე. ღონისძიებას ასევე ესწრებოდა ევროპის საბჭოს ექსპერტი - შივონ სკანლანი, რომელიც ქართველ ტრენერებთან ერთად მონაწილეობდა კურიკულუმის შემუშავების პროცესში.
ღონისძიებაში მონაწილეობა მიიღო 14-მა მოსამართლემ: თბილისის და ქუთაისის სააპელაციო, თბილისის და რუსთავის საქალაქო, ზესტაფონისა და თეთრიწყაროს რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.