2-3 დეკემბერს, იუსტიციის უმაღლესი სკოლის, გერმანიის საერთაშორისო თანამშრომლობის საზოგადოების (GIZ) და პროექტის - „კანონის უზენაესობის მხარდაჭერა საქართველოში“ (PROLoG) თანამშრომლობის ფარგლებში მოსამართლეთათვის გაიმართა „საკორპორაციო/სამეწარმეო სამართლის“ კურსის ბოლო, მესამე ნაწილი.
ღონისძიებას უძღვებოდნენ: თბილისის სააპელაციო სასამართლოს მოსამართლე ნატალია ნაზღაიძე და ქუთაისის სააპელაციო სასამართლოს მოსამართლე ირმა პერანიძე. აღნიშნულმა ექსპერტებმა საკორპორაციო/სამეწარმეო სამართლის კურსის შინაარსობრივ ნაწილზე, მომავალი ტრენერებისთვის განკუთვნილი, სამ ეტაპიანი ტრენერთა ტრენინგი გაიარეს.
კურსის მესამე ნაწილს ასევე ესწრებოდნენ საქართველოს უზენაესი სასამართლოს მოსამართლე - ნინო ბაქაქური; ადვოკატი, ასოცირებული პროფ. სამართლის დოქ. იურიდიული ფირმა FLS Full legal service მმართველი პარტნიორი - ლაშა ცერცვაძე, რომლებიც ფორდჰემის უნივერსიტეტის სამართლის სკოლის (აშშ) ასოცირებულ პროფესორთან - მარტინ გელტერთან ერთად უძღვებოდა ტრენერთა ტრენინგის ეტაპებს.
ღონისძიებაში მონაწილეობა მიიღო 20-მა მოსამართლემ: თბილისის და ქუთაისის სააპელაციო, თბილისის, ბათუმის, ფოთის, ქუთაისისა და რუსთავის საქალაქო სასამართლოებიდან.