23 დეკემბერს, იუსტიციის უმაღლეს სკოლაში, ევროკავშირისა (EU) და გაეროს ადამიანის უფლებათა უმაღლესი კომისრის ოფისის წარმომადგენლობის (UN OHCHR) ერთობლივი პროექტის ,,ადამიანის უფლებები ყველასათვის" მხარდაჭერით, მოსამართლეთათვის გაიმართა ტრენინგი თემაზე: „შეზღუდული შესაძლებლობის მქონე პირთათვის მართლმსაჯულების ეფექტური ხელმისაწვდომობის უზრუნველყოფა“.
სემინარზე ექსპერტებად მოწვეული იყვნენ: თბილისის საქალაქო სასამართლოს მოსამართლე ირაკლი კოპალიანი და „მოძრაობა ხელმისაწვდომი გარემო ყველასათვის“ აღმასრულებელი დირექტორი გიორგი ახმეტელი.
ღონისძიებაში მონაწილეობა მიიღო 16-მა მოსამართლემ: თბილისის, ქუთაისისა და რუსთავის საქალაქო, სოხუმისა და გაგრა-გუდაუთის, ამბროლაურის, გორის, გურჯაანისა და თელავის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
ღონისძიება შეზღუდული შესაძლებლობის მქონე პირთა უფლებების დაცვის საერთაშორისო დღეს მიეძღვნა.
