14 -15 აპრილს, იუსტიციის უმაღლესი სკოლისა და პროექტის - „კანონის უზენაესობის მხარდაჭერა საქართველოში“ (PROLOG) თანამშრომლობის ფარგლებში, თბილისში, მოსამართლეთათვის გაიმართა „საკორპორაციო/სამეწარმეო სამართლის“ კურსის პირველი ეტაპი.
სემინარზე ექსპერტად მოწვეული იყო თბილისის სააპელაციო სასამართლოს მოსამართლე ქეთევან მესხიშვილი.
ღონისძიებაში მონაწილეობა მიიღეს მოსამართლეებმა თბილისის და ქუთაისის სააპელაციო, თბილისის, ბათუმისა და ქუთაისის საქალაქო, სენაკის, ზესტაფონის, გორის, მცხეთისა და თელავის რაიონული სასამართლოებიდან.
კურსი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული. წლის ბოლომდე, საკორპორაციო/სამეწარმეო სამართლის კურსის სამივე ეტაპი განხორციელდება.