28-29 აპრილს, იუსტიციის უმაღლესი სკოლის წყალტუბოს რეგიონულ სასწავლო ცენტრში, მოსამართლეთათვის გაიმართა ტრენინგი თემაზე „საერთაშორისო ჰუმანიტარული სამართალი“.
ღონისძიებას უძღვებოდნენ ის ტრენერი/ექსპერტები, რომლებიც ზემოაღნიშნულ თემაზე სასწავლო მოდულის შემუშავების პროცესში იყვნენ ჩართულები, კერძოდ: თბილისის სააპელაციო სასამართლოს მოსამართლე გიორგი გოგიაშვილი და გორის რაიონული სასამართლოს მოსამართლე ნიკოლოზ მარსაგიშვილი. სასწავლო მოდული ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“ ფარგლებში ადგილობრივი და საერთაშორისო ექსპერტების მიერ შემუშავდა.
ღონისძიებაში მონაწილეობა მიიღეს მოსამართლეებმა; თბილისის საქალაქო, ამბროლაურის, მცხეთის, გურჯაანისა და თელავის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
