23 და 24ივნისს, იუსტიციის უმაღლეს სკოლაში, ევროპის საბჭოს (CoE) მხარდაჭერით მოსამართლეებისა და სასამართლოს სხვა მოხელეებისგან შემდგარი ორი ჯგუფისთვის გაიმართა ორი ტრენინგი თემაზე: “ახლადგამოვლენილ გარემოებათა გამო განაჩენის გადასინჯვის წესი“.
სემინარზე ექსპერტად მოწვეული იყო ადამიანის უფლებათა ევროპული სასამართლოს გადაწყვეტილებების აღსრულების დეპარტამენტის სამმართველოს უფროსი პავლო პუშკარი.
ღონისძიებაში მონაწილეობა მიიღეს მოსამართლეებმა და სასამართლოს სხვა მოხელეებმა: საქართველოს უზენაესი სასამართლოს, თბილისის და ქუთაისის სააპელაციო, თბილისის და ბათუმის საქალაქო, სოხუმისა და გაგრა-გუდაუთის, სენაკის, ხელვაჩაურის, ხაშურის, გორის, მცხეთის, ბოლნისისა და თელავის რაიონული სასამართლოებიდან.