იუსტიციის უმაღლესი სკოლა, პროექტის „კანონის უზენაესობის მხარდაჭერა საქართველოში“ (EWMI/PROLoG) მხარდაჭერით ახორციელებს სასწავლო მოდულის შექმნას თემაზე - ადამიანის უფლებათა ევროპული და საერთაშორისო სტანდარტები (ზოგადი კურსი).
30-31 ივლისს, იუსტიციის უმაღლესი სკოლის მოსამართლე-ტრენერებისთვის გაიმართა ტრენერთა ტრენინგი კურსის შინაარსობრივ ნაწილთან დაკავშირებით, რომელსაც „კანონის უზენაესობის მხარდაჭერა საქართველოში“პროექტის ექსპერტები უძღვებოდნენ.
კურსი ორიენტირებული იქნება სამოქალაქო და ადმინისტრაციული სამართლის მიმართულების მოსამართლეებსა და სასამართლოს სხვა მოხელეებზე. შემუშავებული მოდულის გამოყენებით, ტრენინგის ჩატარება მიმდინარე წლის სექტემბერში არის დაგეგმილი.
