22-23 სექტემბერს, იუსტიციის უმაღლესი სკოლის წყალტუბოს რეგიონულ სასწავლო ცენტრში, მიგრაციის საერთაშორისო ორგანიზაციასთან თანამშრომლობის ფარგლებში (IOM), მოსამართლეთათვის და სასამართლოს მოხელეებისთვის გაიმართლა ტრენინგი თემაზე: „მიგრაციასთან დაკავშირებული საკითხები“.
სემინარზე ექსპერტებად მოწვეული იყვნენ: ბათუმის საქალაქო სასამართლოს თავმჯდომარე დავით მამისეიშვილი და მიგრაციის საერთაშორისო ორგანიზაციის პროგრამის კოორდინატორი მარკ ჰულსტი.
ღონისძიებაში მონაწილეობა მიიღეს მოსამართლეებმა და სასამართლოს მოხელეებმა: თბილისის და ქუთაისის სააპელაციო, თბილისის და ქუთაისის საქალაქო, ცაგერის, ამბროლაურისა და ახალციხის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.