22-23 სექტემბერს, იუსტიციის უმაღლეს სკოლაში, აშშ-ის სავაჭრო დეპარტამენტის კომერციული სამართლის განვითარების პროგრამის(CLDP) მხარდაჭერით, მოსამართლეთათვის გაიმართა ტრენინგი თემაზე: “ნასყიდობის საერთაშორისო ხელშეკრულებები“.
სემინარზე ექსპერტებად მოწვეული იყვნენ: აშშ-ის საოლქო სასამართლოს მოსამართლე კალიფორნიის აღმოსავლეთ ოლქში ქენდალ ნიუმენი და აშშ-ის სამხრეთის მეთოდისტური უნივერსიტეტის სამართლის პროფესორი ფითერ უინშიფი.
ღონისძიებაში მონაწილეობა მიიღეს მოსამართლეებმა: საქართველოს უზენაესი სასამართლოს, ქუთაისის სააპელაციო, თბილისის, ქუთაისისა და რუსთავის საქალაქო, ოზურგეთის, ზესტაფონისა და თეთრიწყაროს რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.