24 და 25 ნოემბერს, იუსტიციის უმაღლესი სკოლისა და გერმანიის საერთაშორისო თანამშრომლობის საზოგადოება (GIZ) მახარდაჭერით, ბორჯომში (სასტუმრო „ბორჯომი ლიკანი“) სასამართლოს მოხელეებისთვის გაიმართა ტრენინგი თემაზე: „რელაცია და სუბსუმციის ტექნიკები“.
სემინარზე ექსპერტად მოწვეული იყო თბილისის სააპელაციო სასამართლოს მოსამართლე თამარ ზამბახიძე.
ღონისძიებაში მონაწილეობა მიიღეს სასამართლოს მოხელეებმა: თბილისის სააპელაციო, თბილისის და რუსთავის საქალაქო და ხაშურის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
