29 -30 ივნისს და 1 ივლისს, იუსტიციის უმაღლეს სკოლაში, გერმანიის საერთაშორისო თანამშრომლობის საზოგადოების (GIZ) მხარდაჭერით მოსამართლეთათვის გაიმართა სპეციალური სასწავლო კურსის - “მორიგების წარმოება სასამართლოში“ მეორე ეტაპი.
კურსის ექსპერტებად მოწვეული არიან: თბილისის სააპელაციო სასამართლოს მოსამართლე - თამარ ზამბახიძე, დრეზდენის სამხარეო სასამართლოს მოსამართლეები - (მედიატორი) შტეფან შმიდტი და კერსტინ შულცი.
ღონისძიებაში მონაწილეობა მიიღო 17-მა მოსამართლემ: საქართველოს უზენაესი სასამართლოს, თბილისის სააპელაციო, თბილისის საქალაქო და მცხეთის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
