8 სექტემბერს, იუსტიციის უმაღლეს სკოლაში ადამიანით ვაჭრობის (ტრეფიკინგის) თემაზე კურიკულუმის შემუშავებაში ჩართული ექსპერტების პირველი სამუშაო შეხვედრა გაიმართა. პროცესი ხორციელდება ევროპის საბჭოს (CoE) მიერ მხარდაჭერილი პროექტის „იუსტიციის უმაღლესი სკოლის შესაძლებლობების გაძლიერება“ ფარგლებში.
კურიკულუმის შემუშავების პროცესში ჩართული არიან ქართველი მოსამართლე-ტრენერები და ევროპის საბჭოს ექსპერტი. შეხვედრის მიზანს წარმოადგენდა კურიკულუმის შემადგენლობაში გასათვალისწინებელი საკითხების იდენტიფიცირება, სასწავლო მოდულის დღის წესრიგის შემუშავება და მასალების მომზადების პროცესის ინიცირება.
მომდევნო ეტაპზე, პროცესში ჩართული ქართველი მოსამართლე-ტრენერებისთვის გაიმართება ტრენერთა ტრენინგი კურსის შინაარსობრივ ნაწილთან დაკავშირებით, რომელსაც უცხოელი ექსპერტი გაუძღვება.
კურიკულუმი გამოყენებული იქნება „მოსამართლეთა და სასამართლოს სხვა მოხელეთა გადამზადების პროგრამის“ ფარგლებში. აღნიშნულ თემაზე ტრენინგებს, კურიკულუმის შემუშავების პროცესში ჩართული, ქართველი მოსამართლე-ტრენერები ჩაატარებენ.
