16-17 სექტემბერს, იუსტიციის უმაღლეს სკოლაში პროექტთან „კანონის უზენაესობის მხარდაჭერა საქართველოში“ (PROLoG) და ევროპის საბჭოსთან (CoE) თანამშრომლობის ფარგლებში, მოსამართლეთათვის გაიმართა ტრენინგი თემაზე: „ადამიანის უფლებათა ევროპული და საერთაშორისო სტანდარტები (ზოგადი კურსი)“.
სემინარზე ექსპერტად მოწვეული იყვნენ თბილისის საქალაქო სასამართლოს მოსამართლეები: ალექსანდრე იაშვილი და ირაკლი კოპალიანი.
ღონისძიებაში მონაწილეობა მიიღო 15-მა მოსამართლემ: თბილისის, ბათუმისა და ქუთაისის საქალაქო, ხაშურის, თელავისა და ბოლნისის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
