2017 წლის 13 ოქტომბერს, იუსტიციის უმაღლესი სკოლის პროექტის - „სამოსამართლო სწავლების გაძლიერება Twinning-ის მეშვეობით“ ფარგლებში, ლატვიელმა ექსპერტმა ანნა სკრიაბინამ იუსტიციის უმაღლესი სკოლის წარმომადგენელებს წარუდგინა სახელმწიფო ვალდებულებების ანალიზის დოკუმენტი.
დოკუმენტი მოიცავს როგორც საერთაშორისო ორგანიზაციების მიერ საქართველოს მიმართ გაცემული რეკომენდაციების, ასევე ადამიანის უფლებათა ევროპული სასამარლოს მიერ საქართველოს წინააღმდეგ გამოტანილი გადაწყვეტილების ანალიზსა და რეკომენდაციებს.
ანალიზის ძირითად მიგნებებს იუსტიციის უმაღლესი სკოლა გაითვალისწინებს მოსამართლეთა და სასამართლოს სხვა მოხელეთა გადამზადების 2018 წლის პროგრამის შემუშავებისას, რომელიც ამჟამად მიმდინარეობს. გარდა ამისა, აღნიშნული ანალიზი იქნება ერთ-ერთი წყარო იმ აქტუალური თემების იდენტიფიცირების თვალსაზრისით, რომელზეც, პროექტის ფარგლებში, შემუშავდება სასწავლო მოდულები.
პროექტი დაფინანსებულია ევროკავშირის მიერ და მისი ხანგრძლივობაა 18 თვე.