2017 წლის 27 ნოემბრიდან 1 დეკემბრის ჩათვლით, ევროკავშირის მიერ მხარდაჭერილი პროექტის - „სამოსამართლო სწავლების გაძლიერება Twinning-ის მეშვეობით“ ფარგლებში, იუსტიციის უმაღლესი სკოლის დირექტორი - ლაშა მაღრაძე (დელეგაციის ხელმძღვანელი), დირექტორის მოადგილე - ქეთევან კვინიკაძე და ანალიტიკური და საერთაშორისო ურთიერთობის სექტორის უფროსი - თამარ პაპაშვილი სასწავლო ვიზიტით იმყოფებოდნენ ლატვიის სამოსამართლო სწავლების ცენტრში. ვიზიტის მთავარ მიზანს წარმოადგენდა სამოსამართლო კანდიდატთა მომზადების პროგრამის შემუშავებისა და განხორციელების შესახებ გამოცდილების გაზიარება.
ერთ კვირიანი, ინტენსიური სასწავლო ვიზიტის ფარგლებში, იუსტიციის უმაღლესი სკოლის დელეგაციამ შეხვედრები გამართა ლატვიის სამოსამართლო სწავლების ცენტრის; სასამართლო ადმინისტრაციის, სასამართლოს საბჭოს, იუსტიციის სამინისტროს წარმომადგენლებთან, ასევე რაიონული და რეგიონული სასამართლოების მოსამართლეებთან.
პროექტი დაფინანსებულია ევროკავშირის მიერ და მისი ხანგრძლივობაა 18 თვე.