საქართველოს პრეზიდენტის სარეზერვო ფონდის მხარდაჭერით, იუსტიციის უმაღლესმა სკოლამ 2015 წელს განახორციელა პროექტი „სსიპ იუსტიციის უმაღლესი სკოლის შესაძლებლობების გაძლიერება.“
პროექტის მთავარ მიზანს წარმოადგენდა სამოსამართლო კანდიდატების, მოქმედი მოსამართლეებისა და სასამართლოს მოხელეთა ეფექტიანი სწავლების გზით მართლმსაჯულების ხარისხის გაზრდა.
პროექტის შედეგები:
1. იუსტიციის უმაღლეს სკოლაში იმიტირებული სასამართლო პროცესების სხდომათა დარბაზი შეიქმნა, რომელიც სრულად აღიჭურვა თანამედროვე ტექნიკური საშუალებებით;
2. გაძლიერდა იუსტიციის უმაღლესი სკოლის იურიდიული ბიბლიოთეკის რესურსი, კერძოდ პროექტის ფარგლებში შეძენილი იქნა ქართული და უცხოური გამომცემლობების უახლესი წიგნები (სულ 133). აღსანიშნავია, რომ უცხოური ლიტერატურა განეკუთვნება Oxford-ის და Cembridge-ის გამომცემლობებს და უმეტესწილად ეხება ადამიანის უფლებების სფეროს;
3. იუსტიციის უმაღლესი სკოლის სასემინარო დარბაზები აღიჭურვა ვიდეო კონფერენციის სისტემით;
4. დაინერგა ონლაინ ტრანსლირების სისტემა, რომლის მეშვეობითაც იუსტიციის უმაღლესი სკოლა უზრუნველყოფს საჯარო ლექციების ონლაინ რეჟიმში ტრანსლირებას უწყების ოფიციალური ვებგვერდის www.hsoj.ge და Facebook გვერდი მეშვეობით.
