იუსტიციის უმაღლესი სკოლა უზრუნველყოფს კურიკულუმის შექმნას საერთაშორისო ჰუმანიტარული სამართლის თემაზე. პროცესი ხორციელდება ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“ მხარდაჭერით.
კურიკულუმის შემუშავების პროცესში ჩართული არიან ქართველი მოსამართლე-ტრენერები და ევროპის საბჭოს როგორც საერთაშორისო ასევე ადგილობრივი ექსპერტები.
30-31 ოქტომბერს, ქართველი მოსამართლე-ტრენერებისთვის გაიმართა ტრენერთა ტრენინგი კურსის შინაარსობრივ ნაწილთან დაკავშირებით, რომელსაც ევროპის საბჭოს ექსპერტები უძღვებოდნენ.
კურიკულუმი გამოყენებული იქნება „მოსამართლეთა და სასამართლოს სხვა მოხელეთა გადამზადების პროგრამის“ ფარგლებში. აღნიშნულ თემაზე ტრენინგს, კურიკულუმის შემუშავების პროცესში ჩართული, ქართველი მოსამართლე-ტრენერები უახლოეს მომავალში ჩაატარებენ.