4-5 ნოემბერს, იუსტიციის უმაღლესი სკოლის წყალტუბოს რეგიონულ სასწავლო ცენტრში, მოსამართლეთათვის გაიმართა ტრენინგი თემაზე: „კორუფციასთან დაკავშირებულ საქმეთა ეფექტიანი განხილვა“. ტრენინგი ევროპის საბჭოს (CoE) პროექტის - „იუსტიციის უმაღლესი სკოლის შესაძლებლობების გაძლიერება“ ფარგლებში შემუშავებული კურიკულუმის გამოყენებით ჩატარდა.
სემინარს უძღვებოდნე ის მოსამართლე-ტრენერი რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ თბილისის სააპელაციო სასამართლოს მოსამართლეები: გიორგი მიროტაძე, გელა ბადრიაშვილი და მაია თეთრაული.
ღონისძიებაში მონაწილეობა მიიღო 14-მა მოსამართლემ: თბილისის, ქუთაისისა და რუსთავის საქალაქო, სენაკის, ამბროლაურის, ცაგერის, ხაშურის, გურჯაანისა და თელავის რაიონული სასამართლოებიდან.
ტრენინგი 2017 წლის „მოსამართლეთა და სასამართლოს სხვა მოხელეთა გადამზადების პროგრამით“ იყო გათვალისწინებული.
