7 დეკემბერს, იუსტიციის უმაღლესი სკოლის დირექტორმა ლაშა მაღრაძემ თურქმენეთის რესპუბლიკის დელეგაციას უმასპინძლა რომლის შემადგენლობაშიც შედიოდნენ: თურქმენეთის უზენაესი სასამართლოს მოსამართლეები ანამერედი რეჯეპოვი და ტუვაკნაზარი სოპიევი, აშხაბადის რაიონული სასამართლოს მოსამართლე მურატ ჰალმირადოვი, იურიდიული დახმარების დეპარტამენტის უფროსი კონსულტანტი ალტინ რეიმოვა და იუსტიციის სამინისტროს საერთაშორისო ურთიერთობების დეპარტამენტის უფროსი კონსულტანტი შეშმატ აკმურადოვა.
შეხვედრა გაცნობით ხასიათს ატარებდა. სტუმრები იუსტიციის უმაღლესი სკოლის საქმიანობას გაეცნენ, დაათვალიერეს სკოლაში არსებული იმიტირებული სასამართლო პროცესის დარბაზი, ბიბლიოთეკა და ტრენინგების ოთახები.