9-10 დეკემბერს, იუსტიციის უმაღლესი სკოლისა და გაეროს ბავშვთა ფონდის (UNICEF) მხარდაჭერით მოსამართლეთათვის გაიმართა სემინარი თემაზე: “სამოქალაქო საქმეთა განხილვის პროცესში ბავშვის მონაწილეობა (ბავშვთა უფლებები)”.
ღონისძიება მოიცავდა სამართლებრივ და ფსიქოლოგიურ კომპონენტებს და მას უძვებოდნენ: საერთაშორისო ექსპერტი, გაეროს ბავშვის უფლებათა კომიტეტის თავმჯდომარე რენატე ვინტერი და ფსიქოლოგი ეკატერინე თავართქილაძე.
ღონისძიებაში მონაწილეობა მიიღო 17-მა მოსამართლემ: საქართველოს უზენაესი სასამართლოს, თბილისისა და ქუთაისის სააპელაციო, თბილისის, ბათუმისა და ქუთაისის საქალაქო, სოხუმისა და გაგრა-გუდაუთის, გორის, მცხეთის, თელავისა და ბოლნისის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.