9-10 დეკემბერს, იუსტიციის უმაღლეს სკოლაში, სასამართლოს მოხელეებისთვის გაიმართა ტრენინგი თემაზე: „საკორპორაციო/სამეწარმეო სამართალი“. ტრენინგი დაფუძნებულია თემაზე შემუშავებულ სასწავლო კურსზე, რომელიც უკვე ორჯერ განხორციელდა მოსამართლეთათვის.
ღონისძიებას უძღვებოდა ქუთაისის სააპელაციო სასამართლოს მოსამართლე ირმა პერანიძე რომელმაც საკორპორაციო/სამეწარმეო სამართლის კურსის შინაარსობრივ ნაწილზე, მომავალი ტრენერებისთვის განკუთვნილი, სამ ეტაპიანი ტრენერთა ტრენინგი გაიარა.
ტრენინგს ასევე ესწრებოდნენ საქართველოს უზენაესი სასამართლოს მოსამართლე - ნინო ბაქაქური; ადვოკატი, ასოცირებული პროფ. სამართლის დოქ. იურიდიული ფირმა FLS Full legal service მმართველი პარტნიორი - ლაშა ცერცვაძე, რომლებიც ფორდჰემის უნივერსიტეტის სამართლის სკოლის (აშშ) ასოცირებულ პროფესორთან - მარტინ გელტერთან ერთად უძღვებოდა ტრენერთა ტრენინგის ეტაპებს თემის მომავალი ექსპერტებისთვის.
ღონისძიებაში მონაწილეობა მიიღო 15-მა სასამართლოს მოხელემ: თბილისის სააპელაციო და თბილისის საქალაქო სასამართლოებიდან.
ტრენინგი, 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
