9-10 დეკემბერს, იუსტიციის უმაღლესი სკოლის, გაეროს ქალთა ორგანიზაციის (UN Women) და ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“თანამშრომლობის ფარგლებში, ყვარელში, სასტუმრო „ყვარლის ედემში“ მოსამართლეთათვის გაიმართა სემინარი თემაზე: „ქალთა მიმართ ძალადობა და ოჯახში ძალადობა“.
სემინარს უძღვებოდნენ ის მოსამართლე-ტრენერი რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ თბილისის სააპელაციო სასამართლოს მოსამართლეები: ნათია ბარბაქაძე, გიორგი ტყავაძე, გერონტი კახეთელიძე და ქუთაისის სააპელაციო სასამართლოს მოსამართლე გოჩა აბუსერიძე. ღონისძიებას ასევე ესწრებოდა გაეროს ქალთა ორგანიზაციის ექსპერტი - მარი მესხი, რომელიც თემის მომავალ ტრენერებთა ერთად მონაწილეობდა კურიკულუმის შემუშავების პროცესში.
ღონისძიებაში მონაწილეობა მიიღეს თბილისის სააპელაციო, თბილისის და რუსთავის საქალაქო, სოხუმისა და გაგრა-გუდაუთის, სიღნაღის, თეთრიწყაროსა და ბოლნისის რაიონული სასამართლოების მოსამართლეებმა.
