16-17 დეკემბერს, იუსტიციის უმაღლეს სკოლაში სასამართლოს მოხელეებისთვის გაიმართა სამუშაო შეხვედრა თემაზე: „ადმინისტრაციული სამართალწარმოების აქტუალური საკითხები“.
სემინარზე ექსპერტად მოწვეული იყო თბილისის სააპელაციო სასამართლოს მოსამართლე შოთა გეწაძე.
ღონისძიებაში მონაწილეობა მიიღო 15-მა სასამართლოს მოხელემ: საქართველოს უზენაესი სასამართლოს, თბილისის სააპელაციო და თბილისის საქალაქო სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.