2-3 ივნისს, იუსტიციის უმაღლესი სკოლის წყალტუბოს რეგიონულ სასწავლო ცენტრში, ევროპის საბჭოსთან (CoE)თანამშრომლობის ფარგლებში მოსამართლეთათვის გაიმართა ტრენინგი თემაზე: „ადამიანის უფლებათა ევროპული და საერთაშორისო სტანდარტები (ზოგადი კურსი)“. სასწავლო მოდული „კანონის უზენაესობის მხარდაჭერა საქართველოში“ (EWMI/PROLoG) პროგრამისა და ევროპის საბჭოს (CoE) მხარდაჭრით შემუშავდა. კურსის მიზანია მოსამართლეთა სისტემური ცოდნით აღჭურვა ადამიანის უფლებების საერთაშორისო და რეგიონული წყაროების, მექანიზმების, სტანდარტების და ეროვნულ დონეზე მათი ეფექტიანი გამოყენების შესახებ.
სემინარზე ექსპერტად მოწვეული იყო თბილისის საქალაქო სასამართლოს მოსამართლე ალექსანდრე იაშვილი.
ღონისძიებაში მონაწილეობა მიიღეს მოსამართლეებმა: თბილისის და ქუთაისის საქალაქო, ამბროლაურის, ხაშურისა და ბოლნისის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.