9-10 ივნისს, იუსტიციის უმაღლეს სკოლაში, მოსამართლეთათვის გაიმართა ტრენინგი თემაზე: „ადმინისტრაციული სამართალდარღვევები“.
სემინარზე ექსპერტებად მოწვეული იყვნენ: საქართველოს უზენაესი სასამართლოს მოსამართლე მაია ვაჩაძე და თბილისის სააპელაციო სასამართლოს მოსამართლე მარიამ ცისკაძე.
ღონისძიებაში მონაწილეობა მიიღეს მოსამართლეებმა: ქუთაისის სააპელაციო, თბილისის, ქუთაისისა და რუსთავის საქალაქო, ხელვაჩაურის, ზესტაფონის, საჩხერის, ხაშურის, ბოლნისის, თეთრიწყაროსა და გურჯაანის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.