9-10 ივნისს, იუსტიციის უმაღლესი სკოლის, ევროკავშირისა და გაეროს განვითარების პროგრამის (UNDP) მხარდაჭერით, ბორჯომში, მოსამართლეთათვის გაიმართა სემინარი თემაზე: „კანონი ,,პერსონალურ მონაცემთა დაცვის შესახებ“ და საჯარო ინფორმაციის ხელმისაწვდომობა”.
სემინარი იმ მოსამართლე/ექსპერტების მიერ ჩატარდა რომლებიც ზემოაღნიშნულ თემაზე სასწავლო მოდულის შემუშავების პროცესში იყვნენ ჩართულები, კერძოდ: საქართველოს უზენაესი სასამართლოს მოსამართლე ნუგზარ სხირტლაძე და თბილისის სააპელაციო სასამართლოს მოსამართლე თეა ძიმისტარაშვილი. სასწავლო მოდული 2017 წელს, ევროკავშირისა და გაეროს განვითარებისპროგრამის(UNDP) მხარდაჭერით შემუშავდა, სადაც მოსამართლე/ექსპერტებთან ერთად პერსონალურ მონაცემთა დაცვის ინსპექტორის აპარატიც იყო ჩართული.
ღონისძიებაში მონაწილეობა მიიღეს მოსამართლეებმა: თბილისის სააპელაციო, თბილისის საქალაქო, სოხუმისა და გაგრა-გუდაუთის, მცხეთის, გურჯაანის, სიღნაღისა და თელავის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
