14-15 ივლისს, იუსტიციის უმაღლესი სკოლისა და ევროპის საბჭოს (CoE) თანამშრომლობის ფარგლებში, მოსამართლეთათვის გაიმართა ტრენინგი თემაზე: “ადამიანის უფლებათა ევროპული სასამართლოს პრეცედენტული გადაწყვეტილებები“. სემინარზე ექსპერტებად მოწვეული იყვნენ: თბილისის სააპელაციო სასამართლოს მოსამართლე თამარ ალანია და ევროპის საბჭოს ექსპერტი ჯერემი მაკბრაიდი. ღონისძიებაში მონაწილეობა მიიღეს მოსამართლეებმა: თბილისისა და ქუთაისის საქალაქო, ბოლნისის, თეთრიწყაროსა და თელავის რაიონული სასამართლოებიდან. ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.