21-22 ივლისს, ბათუმში, სასტუმრო „რედისონ ბლუ ივერია“, იუსტიციის უმაღლესი სკოლის, აშშ-ის სავაჭრო დეპარტამენტის, კომერციული სამართლის განვითარების პროგრამის (CLDP) მხარდაჭერით მოსამართლეთათვის იმართება სემინარი ინტელექტუალური საკუთრების სამართლის აქტუალურ საკითხებზე.
სემინარზე ექსპერტებად მოწვეული არიან მოსამართლეები: ბერნის დონალდი - აშშ-ის სააპელაციო სასამართლო, მეექვსე ოლქი და ოლივერ შიონი - მიუნხენის რეგიონალური სასამართლო.
ღონისძიების პარტნიორი ორგანიზაციები არიან: საქართველოს ინტელექტუალური საკუთრების ეროვნული ცენტრი „საქპატენტი“ და საქართველოს საავტორო უფლებათა ასოციაცია.
ღონისძიების გახსნაზე მონაწილეებს მიესალმნენ: იუსტიციის უმაღლესი სკოლის დირექტორი - ლაშა მაღრაძე; საქართველოს ინტელექტუალური საკუთრების ეროვნული ცენტრის - „საქპატენტი“-ს თავმჯდომარე - ნიკოლოზ გოგილიძე; საქართველოს საავტორო უფლებათა ასოციაციის თავმჯდომარის მოადგილე - მირიან კულულაშვილი და აშშ-ის სავაჭრო დეპარტამენტის, კომერციული სამართლის განვითარების პროგრამის (CLDP) წარმომადგენელი - სქიფ მარკი;
ღონისძიებაზე ქართველ მოსამართლეებს შესაძლებლობა ექნებათ გაიზიარონ როგორც ამერიკის შეერთებული შტატების ასევე ევროკავშირის გამოცდილება ინტელექტუალური საკუთრების დაცვის კუთხით.
ღონისძიება 2014 წლიდან ყოველწლიურად ტარდება და მასში 27 მოსამართლე იღებს მონაწილეობას.
