22-23 სექტემბერს, იუსტიციის უმაღლეს სკოლაში, პროექტის „კანონის უზენაესობის მხარდაჭერა საქართველოში“ (PROLOG) და გერმანიის საერთაშორისო თანამშრომლობის საზოგადოების (GIZ) მხარდაჭერით, სასამართლოს მოხელეებისთვის გაიმართა „საკორპორაციო/სამეწარმეო სამართლის“ კურსის მეორე ეტაპი.
სემინარზე ექსპერტებად მოწვეული იყვნენ თბილისის სააპელაციო სასამართლოს მოსამართლე ნატალია ნაზღაიძე და ქუთაისის სააპელაციო სასამართლოს მოსამართლე ირმა პერანიძე.
ღონისძიებაში მონაწილეობა მიიღეს სასამართლოს მოხელეებმა: თბილისის სააპელაციო, თბილისის საქალაქო, გორისა და ბოლნისის რაიონული სასამართლოებიდან.
კურსი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.