25-26 და 27-28 აპრილს, იუსტიციის უმაღლეს სკოლაში, ევროპის საბჭოს (CoE) მხარდაჭერით, მოსამართლეთათვის და მოსამართლის თანაშემწეებისთვის გაიმართა ტრენინგი თემაზე: „ნაფიც მსაჯულთა სასამართლო“.
ტრენინგზე ექსპერტებად მოწვეული იყვნენ: ექსპერტი/საქართველოს უზენაესი სასამართლოს ყოფილი მოსამართლე ზაზა მეიშვილი და ადამიანის უფლებათა ევროპული სასამართლოს სამდივნოს იურისტი ნინო ხაინდრავა.
ღონისძიებებში მონაწილეობა მიიღო 42-მა მოსამართლემ და მოსამართლის თანაშემწემ: თბილისის სააპელაციო, თბილისის, ბათუმის, ფოთის, ქუთაისისა და რუსთავის საქალაქო, ამბროლაურის, ხაშურის, გორის, მცხეთის, თელავისა და ბოლნისის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.