1-2 ივლისს, იუსტიციის უმაღლეს სკოლაში, სასამართლოს მოხელეებისთვის იმართება ტრენინგი თემაზე: „შეზღუდული შესაძლებლობების მქონე პირთათვის მართლმსაჯულების ხელმისაწვდომობის უზრუნველყოფა“.
ტრენინგზე ექსპერტებად მოწვეული არიან: სამართლის დოქტორი/კავკასიის საერთაშორისო უნივერსიტეტის ასოცირებული პროფესორი თეიმურაზ თოდრია და „მოძრაობა ხელმისაწვდომი გარემო ყველასათვის“ აღმასრულებელი დირექტორი გიორგი ახმეტელი.
სემინარში მონაწილეობას იღებს 15 სასამართლოს მოხელე: საქართველოს უზენაესი სასამართლოს, თბილისის სააპელაციო, თბილისის საქალაქო და ხაშურის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით არის გათვალისწინებული.
