29-30 ივლისს, იუსტიციის უმაღლეს სკოლაში, გაეროს ადამიანის უფლებათა დაცვის უმაღლესი კომისრის ოფისის (OHCHR) მხარდაჭერით სასამართლოს მოხელეთათვის ჩატარდა ტრენინგი თემაზე: „პირადი ცხოვრების ხელშეუხებლობა“.
ტრენინგზე ექსპერტებად მოწვეული იყვნენ: საქართველოს საგანგებო და სრულუფლებიანი ელჩი, ევროპის საბჭოში საქართველოს მუდმივი წარმომადგენელი
ბატონი კონსტანტინე კორკელია და გაეროს ადამიანის უფლებათა დაცვის უმაღლესი კომისრის ოფისის, ადამიანის უფლებათა ოფიცერი ბატონი ბესარიონ ბოხაშვილი.
ღონისძიებაში მონაწილეობა მიიღო 15-მა სასამართლოს მოხელემ: საქართველოს უზენაესი, თბილისის სააპელაციო, თბილისისა და რუსთავის საქალაქო სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
