15-16 ოქტომბერს, იუსტიციის უმაღლესი სკოლისა და ევროპის საბჭოს (CoE) მხარდაჭერით მოსამართლეთათვის გაიმართა ტრენინგი თემაზე: „საპროცესო შეთანხმება“.
სემინარზე ექსპერტებად მოწვეული იყვნენ: ადამიანის უფლებათა ევროპული სამართლის ექსპერტი ნანა მჭედლიძე და ევროპის საბჭოს ექსპერტი ჯერემი მაკბრაიდი.
ღონისძიებაში მონაწილეობა მიიღო 18-მა მოსამართლემ: თბილისის და ქუთაისის სააპელაციო, თბილისის და რუსთავის საქალაქო, ოზურგეთის, სამტრედიის, ზესტაფონის, ახალციხის, გორის, თეთრიწყაროსა და ბოლნისის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.