28 და 29 ოქტომბერს, იუსტიციის უმაღლეს სკოლაში მოსამართლეთათვის იმართება ტრენინგი თემაზე: „უსაფუძვლო გამდიდრება“.
სემინარზე ექსპერტად მოწვეულია საქართველოს უზენაესი სასამართლოს მოსამართლე პაატა ქათამაძე.
ღონისძიებაში მონაწილეობას იღებს 20 მოსამართლე: ქუთაისის სააპელაციო, თბილისის და ქუთაისის საქალაქო, ოზურგეთის, ზესტაფონის, სოხუმისა და გაგრა-გუდაუთის, თეთრიწყაროს, გორის, გურჯაანისა და თელავის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით არის გათვალისწინებული.