26 და 27 ნოემბერს, იუსტიციის უმაღლესი სკოლისა და შრომის საერთაშორისო ორგანიზაცის (ILO) მხარდაჭერით, ბორჯომში მოსამართლეთათვის გაიმართა საპილოტე ტრენინგი თემაზე: „საერთაშორისო შრომითი სტანდარტები და საქართველოს შრომის კოდექსი“.
სემინარს უძღვებოდნენ ის მოსამართლე-ტრენერი რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ საქართველოს უზენაესი სასამართლოს მოსამართლე ნინო ბაქაქური, თბილისის სააპელაციო სასამართლოს მოსამართლეები: ქეთევან მესხიშვილი და ნათია გუჯაბიძე; მცხეთის რაიონული სასამართლოს მოსამართლე თამარ ხაჟომია, სამართლის დოქტორი/ასოცირებული პროფესორი თეიმურაზ თოდრია და შრომის საერთაშორისო ორგანიზაციის (ILO) ადგილობრივი ექსპერტი ზაქარია შველიძე.
ღონისძიებაში მონაწილეობა მიიღო 15-მა მოსამართლემ: თბილისის, ბათუმისა და რუსთავის საქალაქო, სოხუმისა და გაგრა-გუდაუთის, სამტრედიის, ახალციხის, ახალქალაქისა და გორის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
