26 და 27 ნოემბერს, იუსტიციის უმაღლეს სკოლაში, გაეროს ბავშვთა ფონდის (UNICEF) მხარდაჭერით, მოსამართლეთათვის გაიმართა ტრენინგი თემაზე: „ბავშვთა უფლებები“.
სემინარზე ექსპერტებად მოწვეული იყვნენ: ევროკავშირის პროექტის ხელმძღვანელი/მოსამართლე რენატე ვინთერი და ფსიქოლოგი ქეთევან თავართქილაძე.
ღონისძიებაში მონაწილეობა მიიღო 10-მა მოსამართლემ: თბილისის და ქუთაისის სააპელაციო, თბილისის საქალაქო, ოზურგეთის, ზესტაფონის, საჩხერისა და გორის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
