3 და 4 დეკემბერს, ბორჯომში, იუსტიციის უმაღლესი სკოლის მიერ, ევროკავშირისა (EU) და გაეროს ადამიანის უფლებათა უმაღლესი კომისრის ოფისის წარმომადგენლობის (UN OHCHR) ერთობლივი პროექტის ,,ადამიანის უფლებები ყველასათვის" მხარდაჭერით, მოსამართლეთათვის გაიმართა ტრენინგი თემაზე: „ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის აკრძალვა“. სემინარებზე ექსპერტებად მოწვეული იყვნენ: გაეროს ადამიანის უფლებათა დაცვის უმაღლესი კომისრის ოფისის, ადამიანის უფლებათა ოფიცერი ბესარიონ ბოხაშვილი და ევროკავშირის პროექტის ხელმძღვანელი ლევან მესხორაძე. ღონისძიებაში მონაწილეობა მიიღო 17-მა მოსამართლემ: თბილისის, ბათუმისა და რუსთავის საქალაქო, სოხუმისა და გაგრა-გუდაუთის, ზესტაფონის, ახალქალაქის, ბოლნისის, თელავისა და გურჯაანის რაიონული სასამართლოებიდან. ტრენინგები 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.