9-10 დეკემბერს, იუსტიციის უმაღლეს სკოლაში, მოსამართლეთათვის გაიმართა ტრენინგი თემაზე: „არასრულწლოვანთა მართლმსაჯულება“.
ტრენინგი განხორციელდა იუსტიციის უმაღლესი სკოლისა და გაეროს ბავშვთა ფონდის (UNICEF) პარტნიორობის ფარგლებში.
სემინარზე ექსპერტებად მოწვეული იყვნენ: თბილისის სააპელაციო სასამართლოს მოსამართლე თამარ ალანია და ფსიქოლოგი ქეთევან თავართქილაძე.
ღონისძიებაში მონაწილეობა მიიღო 29 მოსამართლემ: თბილისის, ბათუმის, ფოთის, ქუთაისისა და რუსთავის საქალაქო, ხელვაჩაურის, ზუგდიდის, სენაკის, ოზურგეთის, სამტრედიის, ახალციხის, სიღნაღისა და ბოლნისის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.