16 დეკემბერს, ბორჯომში, იუსტიციის უმაღლესი სკოლისა და გაეროს ადამიანის უფლებათა დაცვის უმაღლესი კომისრის ოფისის (OHCHR) მხარდაჭერით სასამართლოს მოხელეებისთვის გაიმართა ტრენინგი თემაზე: „ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის აკრძალვა“.
სემინარზე ექსპერტებად მოწვეული იყვნენ: გაეროს ადამიანის უფლებათა დაცვის უმაღლესი კომისრის ოფისის, ადამიანის უფლებათა ოფიცერი ბესარიონ ბოხაშვილი და ევროკავშირის პროექტის ხელმძღვანელი ლევან მესხორაძე.
ღონისძიებაში მონაწილეობა მიიღო 15-მა სასამართლოს მოხელემ: თბილისის სააპელაციო და თბილისის საქალაქო სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.