24 და 25 დეკემბერს, ბორჯომში, იუსტიციის უმაღლესმა სკოლამ, ევროკავშირისა (EU) და გაეროს განვითარების პროგრამის (UNDP) მხარდაჭერით, მოსამართლეთათვის გამართა ტრენინგი თემაზე: კანონი „პერსონალურ მონაცემთა დაცვის შესახებ“ და საჯარო ინფორმაციის ხელმისაწვდომობა.
სემინარზე ექსპერტებად მოწვეული იყვნენ: თბილისის სააპელაციო სასამართლოს მოსამართლეები თეა ძიმისტარაშვილი და გიორგი ტყავაძე.
ღონისძიებაში მონაწილეობა მიიღეს თბილისისა და რუსთავის საქალაქო სასამართლოებისა და ხელვაჩაურის, ზესტაფონის, ახალციხის, გურჯაანისა და სიღნაღის რაიონული სასამართლოების მოსამართლეებმა.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
ტრენინგი გაიმართა ევროკავშირის (EU) მიერ დაფინანსებული გაეროს ერთობლივი პროგრამის „ადამიანის უფლებები ყველასათვის“ ფარგლებში.
