იუსტიციის უმაღლესი სკოლა ევროპის საბჭოს მხარდაჭერით უზრუნველყოფს კურიკულუმის შექმნას კიბერდანაშაულის თემაზე. პროცესი ხორციელდება ევროპის საბჭოს (CoE) მიერ მხარდაჭერილი პროექტის „იუსტიციის უმაღლესი სკოლის შესაძლებლობების გაძლიერება“ ფარგლებში.
კურიკულუმის შემუშავების პროცესში ჩართული არიან ქართველი მოსამართლე-ტრენერები და ევროსაბჭოს ექსპერტები.
25-26 თებერვალს, ქართველი მოსამართლე-ტრენერებისთვის გაიმართა ტრენერთა ტრენინგი კურსის შინაარსობრივ ნაწილთან დაკავშირებით, რომელსაც ევროსაბჭოს ექსპერტები ნაიჯელ ჯონსი და ესთერ ჯორჯი უძღვებოდნენ.
კურიკულუმი გამოყენებული იქნება „მოსამართლეთა და სასამართლოს სხვა მოხელეთა გადამზადების პროგრამის“ ფარგლებში. აღნიშნულ თემაზე ტრენინგს, კურიკულუმის შემუშავების პროცესში ჩართული, ქართველი მოსამართლე-ტრენერები უახლოეს მომავალში ჩაატარებენ.
