სასამართლოს მოხელეთა (მოსამართლის თანაშემწე, სხდომის მდივანი, სასამართლოს სხვა მოხელეები) სპეციალური სასწავლო კურსის წარმატებული კურსდამთავრებული მსმენელების სტაჟირება დაიწყო. ცხრა კურსდამთავრებული პრაქტიკული ცოდნის გაღრმავების მიზნით, ორ თვიან სტაჟირებას თბილისის სააპელაციო, თბილისის საქალაქო, ქუთაისის საქალაქო და ზუგდიდის რაიონულ სასამართლოებში გაივლის.
სასამართლოს მოხელეთა (მოსამართლის თანაშემწე, სხდომის მდივანი, სასამართლოს სხვა მოხელეები) სპეციალური სასწავლო კურსის (შემდგომში სასწავლო კურსი) მიზანია სასამართლო სისტემის უზრუნველყოფა მაღალკვალიფიციური კადრებით, რომლებსაც მოხელისათვის აუცილებელი თეორიული ცოდნა და პრაქტიკული უნარ-ჩვევები ექნებათ.
