18 და 19 აპრილს, იუსტიციის უმაღლეს სკოლაში, ევროკავშირისა (EU) და გაეროს ადამიანის უფლებათა უმაღლესი კომისრის ოფისის წარმომადგენლობის (UN OHCHR) ერთობლივი პროექტის „ადამიანის უფლებები ყველასათვის“ ფარგლებში, სასამართლოს მოხელეებისთვის ტარდება ტრენინგი თემაზე; „ადამიანის უფლებათა ევროპული სასამართლოს პრეცედენტული გადაწყვეტილებები“.
ტრენინგზე ექსპერტებად მოწვეული არიან: თბილისის სააპელაციო სასამართლოს მოსამართლე თამარ ალანია და გაეროს ადამიანის უფლებათა დაცვის უმაღლესი კომისრის ოფისი წარმომადგენლობის, ადამიანის უფლებათა ოფიცერი ბესარიონ ბოხაშვილი.
ღონისძიებაში მონაწილეობას იღებს 15 სასამართლოს მოხელე: თბილისის და ქუთაისის სააპელაციო, თბილისის საქალაქო და ბოლნისის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით არის გათვალისწინებული.