22-23 აპრილს, იუსტიციის უმაღლესმა სკოლამ, ფონდ „ღია საზოგადოება-საქართველოსთან“ თანამშრომლობის ფარგლებში, კახეთში სასტუმრო „ლოპოტას ტბა“ მოსამართლეთათვის გამართა ტრენინგი თემაზე: „ნარკომომხმარებელთა უფლებები“.
ტრენინგზე ექსპერტებად მოწვეული იყვნენ: კავშირი „საფარი“-ს აღმასრულებელი დირექტორი ბაია პატარაია და „ალტერნატივა ჯორჯია“-ს აღმასრულებელი დირექტორი დავით ოთიაშვილი.
ღონისძიებაში მონაწილეობა მიიღო 15-მა მოსამართლემ: თბილისის სააპელაციო, თბილისის საქალაქო, სამტრედიის, ზესტაფონის, საჩხერის, ბოლნისისა და თელავის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
