11-13 მაისს, იუსტიციის უმაღლეს სკოლაში, გერმანიის საერთაშორისო თანამშრომლობის საზოგადოების (GIZ) მხარდაჭერით მოსამართლეთათვის გაიმართა სპეციალური სასწავლო კურსის - “მორიგების წარმოება სასამართლოში“ პირველი ეტაპი.
კურსის ექსპერტებად მოწვეული არიან: თბილისის სააპელაციო სასამართლოს მოსამართლე - თამარ ზამბახიძე, დრეზდენის სამხარეო სასამართლოს მოსამართლეები - (მედიატორი) შტეფან შმიდტი და კერსტინ შულცი.
ღონისძიებაში მონაწილეობა მიიღო 16-მა მოსამართლემ: საქართველოს უზენაესი სასამართლოს, თბილისის სააპელაციო და თბილისის საქალაქო.სასამართლოებიდან.
მიმდინარე წელს, მოსამართლეთა ჯგუფის იგივე შემადგენლობისთვის იგეგმება სპეციალური სასწავლო კურსის - „მორიგების წარმოება სასამართლოში“ მეორე ეტაპის განხორციელება, რის შემდგომ მონაწილეებს გადაეცემათ კურსის გავლის დამადასტურებელი სერტიფიკატები.
