18-19 მაისს, იუსტიციის უმაღლესი სკოლამ ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“ ფარგლებში კახეთში, სასტუმრო „ყვარლის ედემში“ მოსამართლეთათვის გამართა ტრენინგი თემაზე: „კორუფციასთან დაკავშირებულ საქმეთა ეფექტიანი განხილვა“.
სემინარს უძღვებოდნენ ის მოსამართლე-ტრენერები რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ თბილისის სააპელაციო სასამართლოს მოსამართლეები: გიორგი მიროტაძე, გელა ბადრიაშვილი და მაია თეთრაული. ტრენინგში ასევე მონაწილეობა მიიღო ევროპის საბჭოს ექსპერტმა - პოლ გარლიკმა, რომელიც ქართველ ტრენერებთან ერთად მონაწილეობდა კურიკულუმის შემუშავების პროცესში.
ღონისძიებაში მონაწილეობა მიიღო 16-მა მოსამართლემ: საქართველოს უზენაესი სასამართლოს, თბილისის სააპელაციო, თბილისის საქალაქო, ზუგდიდის, ახალქალაქის, თეთრიწყაროს, ბოლნისის, გურჯაანისა და სიღნაღის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
