მიმდინარე წლის 22-23 და 24-25 სექტემბერს, იუსტიციის უმაღლესმა სკოლამ ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“ ფარგლებში ბორჯომში, სასტუმრო „რიქსოს ბორჯომი“ გამართა ორი ტრენინგი თემაზე: „ლიდერობა და მენეჯმენტი სასამართლოში“. პირველი ტრენინგი განკუთვნილი იყო სასამართლოს მენეჯერებისთვის, ხოლო მეორე ტრენინგს ესწრებოდნენ სასამართლოს თავმჯდომარეები და მოსამართლეები.
სემინარს უძღვებოდნენ ის ექსპერტ/ტრენერები რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ თბილისის სააპელაციო სასამართლოს მოსამართლე-გიორგი მიროტაძე, თბილისის სააპელაციო სასამართლოს თავმჯდომარის ბიუროს უფროსი-უჩა თოდუა, იუსტიციის უმაღლესი საბჭოს საერთაშორისო თანამშრომლობისა და ხარისხის მართვის დეპარტამენტის უფროსი-ალექსანდრე წულაძე, იუსტიციის უმაღლესი საბჭოს სამართლებრივი და მატერიალური უზრუნველყოფის დეპარტამენტის უფროსი-გიორგი პავლაძე, იუსტიციის უმაღლესი საბჭოს საერთაშორისო თანამშრომლობისა და ხარისხის მართვის დეპარტამენტის უფროსის მოადგილე-შორენა გიგაური. ტრენინგში ასევე მონაწილეობა მიიღო ევროპის საბჭოს ექსპერტმა - ბერტ მაანმა, რომელიც ქართველ ექსპერტ/ტრენერებთან ერთად მონაწილეობდა კურიკულუმის შემუშავების პროცესში.
ტრენინგები 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
